كلنا بنكون هناك بيوم..

اليوم جت استاذة مانعرفها بحصه الاحتياط وبدت تشرح عن الجنازة كانت تتكلم بهدوء بس كلامها يوجع قالت كيف يغسل الميت وكيف يكفن وكيف الناس تصلي عليه وكيف يُودع وهو محمول على الأكتاف كان فيه رهبة بكلامها كأنها خلتنا نعيش اللحظة،فيه بنات تأثروا خصوصاً لما قالت تخيلوا هاللحظة تكون لأحد تحبونه أو حتى لكم في بنات بدوا يمسحون دموعهم وبعضهم نزلت دمعتهم بدون ما يحسون وحدة قالت تذكرت جدتي الله يرحمها والثانية قالت أنا أمي كانت توصيني لا أنساها بالدعاء حتى اللي كانت دايم تضحك وتتهاوش اليوم ساكتة تناظر الأرض كأنها تفكر بألف شي حسيت أن الجو كله تبدل صار فيه سكون وكأن بنات الفصل يقولون كلنا بنكون هناك بيوم
وما أدري ليه بس من وقتها وأنا قلبي ضايق يمكن لأننا نركض ورا الدنيا وناسين أن النهاية حفرة